Шагааның мерген адыгжылары

Бөгүн Культура болгаш дыштанылганың национал парыгының доштуг шөлчүгежинге тыва чоннуң ыдык байырлалы Шагаага тураскааткан республика чергелиг ча адар оюннуң баг адар хевири болуп эрткенин Тыва үндезин культура төвү дыңнаткан.

Мөөрейге бежен ажыг адыгжының аразындан эң тергиини болуп, бирги черни Тываның эң шыырак адыгжыларының бирээзи, Тыва үндезин культура төвүнүң ус-шевери Артыш Монгуш чаалап алган.

Ча адар оюннуң түңнелдери: бирги черни Барыын-Хемчик кожуундан Артыш Моңгуш (саны 27); ийиги черни Улуг-Хем кожуундан Олег Чанчып –(саны 24 /1); үшкү черни Барыын-Хемчик кожуундан Эрес Ооржак (саны 24/0); дөрткү черни Мөңгүн-Тайга кожуундан Даң-Хая Хертек (саны 23/1); бешки черни Бай-Тайга кожуундан Кежик Успун (саны 23/0) чаалап алганнар.

Кыс адыгжылар аразынга бирги черни Сүт-Хөл кожуундан Мамаа Күжүгет (саны 18); ийиги черни Кызылдан Даяна Бюрбю (саны 16); үшкү черни Кызылдан Раиса Тутачикова (саны 16); дөрткү черни Улуг Хем кожуундан Чинчи Монгуш (саны 16); бешки черни Улуг Хем кожуундан Ай-Луна Монгуш (саны 15) чаалап алганнар.