Республикада он муң ажыг өөреникчи болгаш студент пушкин картазын ажыглап турар. Күрүне чылдың-на январь 1-де, программа ажыглакчызы аныяк кижи 23 хар четкижеге чедир, картаже акшаны шилчидер. Ук акша-хөреңги-биле музейлерде, театрларда, кинотеатрларда, филармонияларда болуп турар солун оюн-көргүзүглүг хемчеглерни база делгелгелерни көрүп болур.
Тыва үндезин культура төвү база ук программада коштунганын сагындыраал. Төп февраль 16-дан 19-ка чедир школачыларга болгаш студентилерге Шагааның езу-чаңчылдарынга тураскааткан культура-чырыдыышкын хемчеглерин эрттирер.
«Пушкин картазы»-биле коллективтиг чагыгларны хүлээп турар. Харылзажыр телефон дугаары: +7(39422) 23571
