Шекпээрде чыжыргана өзүмнерин олурткан

Барыын-Хемчик кожууннуң Шекпээр сумузунуң девискээринге чыжырганы тарып олуртурунуң дугайында керээни ТР-ниң Көдээ ажыл-агый яамызы «Сорунза» көдээ ажыл-агый хереглел кооперативи-биле чарган турган. Алдын сарыг каттың 5250 өзүмүн Алтай крайдан саткан.

Эрткен хонуктарга көдээ ажыл-агый кооперативиниң кежигүннери, кожууннуң чагырга чериниң, Шекпээр сумузунуң албан черлериниң ажылдакчылары алдын сарыг каттың өзүмнерин демнежип олуткан.

Ол ышкаш Барлыктың өөредилге эргелелиниң, школазының онгу классчылары база үлүүн киириштирген.