Школа назыны четпээн уругларның төрээн чугаазын сайзырадырының тергиин аргаларын ажыглап тургаш мөөрейниң регионалдыг чадазының ийиги туру болуп эрткенин Национал школа хөгжүдер институт дыңнаткан.
Кижизидикчи башкылар боттарының онзагай арга-дуржулгазын бараалгадып, бедик мергежилин көргүскеннер.
Башкы бүрүзү бодунуң мергежилинге бедик сонуургалдыг, школа назыны четпээн уругларның төрээн дылын хөгжүдеринге чаа аргаларын ажылында ажыглап турар.
Тергиин башкыларны шилиири берге болган, чүге дизе кижизидикчи башкы бүрүзү тиилелгеге төлептиг.
Мөөрейниң түңнелдери-биле эң эки беш башкы шилиттинген – Елена Бадыжик, Белек Достай, Айлана Монгуш, Инна Монгуш, Аянмаа Эренчин.