Ак-Довурак хоорайның «Мишутка» уруглар садының 11 дугаар улуг бөлүүнүң бичии эзирлери бир дугаар хаак кырынга туруп, башкыларының үделгези-биле хаактаанын школа назыны четпээн уругларның өөредилге албан чери дыңнаткан.
Чаштарга хаактаарының айыыл чок чоруун тайылбырлаан соонда, олар хаак оруунче үнгеннер.
Арыг агаар, хүн чырыы хөөннү бедидеринге болгаш кадыкшылды быжыглаарынга идигни берип турган.
Башкылар спорттуң кышкы хевирлерин сайзырадып, уругларны аңгы-аңгы хемчеглерже хаара тудуп турар.
Уруглар сады чоокта чаа дош чуңгунуң байырлыг ажыдыышкынынга тураскаакан өг-бүлениң хөглүг старттарын база чаштар аразынга хоккей маргылдаазын эрттиргенин сагындыраал.
