Каа-Хем кожууннуң Сарыг-Сеп сумузунга 8-тен 10 харга чедир оолдар аразынга хүреш маргылдаазы болуп эрткен. Аңаа эге класс өөреникчилери идепкейлии-биле киришкен.
Бичии мөгелер Үш терек деп черге шыкка ачыр-дачыр тудушканнар. Чидиг-чидиг сегиржип алыышкыннарның түңнелинде эң шыырак үш мөге Батыр Нурсат, Димид Цыдендоржиев, Байыр Монгуш олар шылгарап үнген. Тиилекчилерге медальдар болгаш чигирзиг белектерни тывыскан.
Өзүп олурар салгалдарны чоннуң муң-муң чылдар төөгүлүг езу-чаңчылдарынга өөредип, ооң ачызында кадык чаагай амыдыралды суртаалдаар сорулга-биле спортчу маргылдааны эрттирген.
Шыкка ачыр-дачыр тудушкан
20 июля 2022
71