Социал ачы-дуза алыкчылары халдавырлыг аарыгларга удур тарыдып алган

Хову-Аксының назылап-кыраан болгаш шимчеп албас хамаатыларга дазылга бажыңының социал ачы-дуза алыкчылары халдавырлыг аарыгларга удур боттарын-даа, чанында кижилерин-даа камгаладып, тарыдып ап турарлар.

Дазылга бажыңының 39 социал ачы-дуза алыкчылары база тос ажылдакчызы коронавируска удур үш дугаар тарылганы думчуунче дамдыладыр эм-биле алганын регионнуң Күш-ажыл яамызы дыңнаткан.

Боттуң болгаш чоок кижилериниң кадыкшыл байдалынче онза кичээнгейни салып, Covid-19 хамчыынга болгаш гриппке удур тарыдып база катап тарыдып алырынче чонну ТР-ниң Кадык камгалал яамызы биле Росхереглелхайгаарал кыйгырып турар.