"Социал хөмүр-даш" төлевилелге кымнар киржип болурул?

Кызыл хоорай чагыргазы «Социал хөмүр-даш» төлевилелинге киржир күзелдиг хамаатыларның билдириишкиннерин март 31-ге чедир хүлээр.

Кымнар ук төлевилелге киржип болурул? Орулгазы чурттаарының эң кудуку хемчээлинден эвээш болза; дөрттен эвээш эвес ажы-төлдүг болза; одаар бажыңның ээзи деп документизи бар болза, олар «Социал хөмүр-даш» төлевилелин таварыштыр күрүнениң материалдыг деткимчезин алыр эргелиг.

Херек документилер:
- Билдириишкин;
- Ада-иениң паспорттары;
- Ажы-төлүнүң төрүттүнген дугайында херечилелдери;
- Өг-бүле туткан дугайында азы чарылган дугайында херечилел;
- Өг-бүлениң сөөлгү үш айда орулгазының дугайында шынзылга бижик;
- Ажылда хаара туттунмаан хамааты болза, ажылдан үнген дугайында демдеглели бар күш-ажыл дептери;
- Бажыңның документилери болгаш ук чурттаар оран-сава өг-бүлеге хамааржыр дугайында бадыткалдыг документ.

Кызыл хоорайның чагыргазының социал политика талазы-биле департаментиге документилерин чыып, белеткеп алгаш чеде бээр.
Кызыл хоорайның Кочетов кудумчузунуң 29 дугаар бажыңында 210,214, 215 дугаарлыг кабинеттер.

Долгаар телефоннары: 2-17-27, 3-01-89