Таңды кожуунда "Сой" санаторийде кадыкшылын быжыктырып турар уругларга туберкулез аарыының болгаш бичии кижини аарыгдан камгалаар дизе, кандыг хемчеглер чорударының дугайында лекцияны эрттиргенин республиканың туберкулезка удур диспансери дыңнаткан.
1. Туберкулез аарыг кижилер-биле харылзаалардан камгалаар.
2. Организмниң камгалал күштерин болгаш иммунитедин быжыглаар.
- Организмни арыг агаар быжыглаар болгаш, уруглар үр үениң дургузунда арыг агаарга турар ужурлуг.
- Дадыгыышкын иммунитетти болгаш нерв системазын быжыглаар.
- Белоктар, витаминнер-биле чогуур шын чемненилге организмче кирген инфекция-биле туржур.
- Думчуктуң соңгу хозу (носоглотка) (ангина, тонзиллит, гайморит), аъш-чем хайылдырар органнарның, бүүректерниң хуулуушкуннуг аарыгларның үе-шаанда эмнээшкини.
- Бичии уруглар чурттап турар бажыңнарны аштап-арыглаары чүгле саваң, сода, дезинфекция чүүлдери-биле шык арыглаашкын болгаш доктаамал ыяап-ла агаарлаашкын болур.
3. Бичии организмниң туберкулезка удур туржурун тарылгалар-биле – БЦЖ вакцина-биле божудулга бажыынга чаш уругнуң төрүттүнгеш, 5-6 дугаар хонуунда салыр, оон 7 биле 14 харлыында катаптаар.
Уругларда туберкулез халдай бергенин Манту пробазын салган соонда тодарадып болур. Манту пробазының “кадар” реакциязы болганда, фтизиатр эмчиниң консультациязы эргежок чугула. Эмчи аарыг халдаан азы халдаваан бе дээрзин тодараткаш, чугула профилактиктиг эмнээшкинни бижип бээр.
Бичии уругларга аарыг кижиниң аяк-савазын, орун-дөжек херекселдерин, идик-хевин, арыгланыр херекселдерин ажыглаары хоруглуг. Бо бүгүнү уругларның херекселдеринден аңгы шыгжаар болгаш хынамчалыг дезинфекциялаар.
Бо сүмелерни ыяап-ла күүседири – силерниң уругларыңарны туберкулез аарыындан камгалаарынга дузалыг.
