Тываның школачылары «Солдатка чагаа» бүгү-российжи ада-чуртчу акцияга идепкейлиг киришкенин республиканың немелде өөредилге сайзырадыр төвү дыңнаткан.
Уругларның сагыш-сеткилди доюлдуруптар чагаалары Төрээн чурт камгалакчыларында четкен. А олар боттарының талазындан оларга өөрүп четтиргенин илередип турар.
«Уругларның чагаалары Төрээн чуртувустуң камгалакчыларында чедип турар. Тускай шериг операциязының киржикчилеринден медээни алдывыс. «Адыг» кыйгы аттыг дайынчы бистиң өөреникчилеривиске өөрүп четтиргенин илереткен чагаажыгашты чоруткан. «Солдатка чагаа» акцияга киришкен уруг бүрүзүнге, башкыларга четтиргенимни илередип тур мен. Шупту кады бис. Тиилелге бистии болур» – деп, Кызылдың 20 дугаар школазының директору Сылдыс Монгуш бодунуң блогунда бижээн.
Школа директорунуң дыңнатканы-биле алырга, Шагаа байырлалының мурнунда Курск облазынче ачы-дуза-биле кады уругларның чагааларын чоруткан. Бө хүнде дайынчылардан харыы келгени – оларга бажыңындан деткимче кайы хире чугула херегиниң демдээ.
Акцияга идепкейлиг киришкен школачыларга болгаш башкыларга школаның коллективи четтиргенин илередип турар.