Тывада агаар бойдустуң эмин эртир изээнинден хемнер суу хенертен көдүрүлген. Изиг агаар чүгле арга-арыг өрттериниң айыылын тургузар эвес, а суг үерлээшкинин база болдуруп болур.
Тываның Баштыңы Владислав Ховалыг Кызылдың барыын талазында камгалал чал тудуун хынап четкен. Ооң чугаазы-биле алырга, беш километрде шөйлү берген чаа чал 1,5 муң кижи чурттап турар бажыңнарны, школаны, уруглар садын база өске-даа объектилерни сугдан камгалаар.
– Хемнерниң суу көдүрүлүп эгелээнинден кандыг-даа байдалга белен болур ужурлуг бис. Кызылдың барыын талазында эрткен чылын эгелээн чал тудуун хынап көрдүм. Ажылдар шалыпкын чоруп турар болгаш, тудуг доостурунуң кырында. Харыысалгалыг удуртукчуларга ажылды шынарлыг доозар даалганы бердим. Объект үр үеде чонга бараан болур ужурлуг – деп, ТГ-каналда бижээн.
Каа-Хем суурнуң «Дар» дачалар ниитилелиниң бажыңнары сугга алзып болур айыыл барын Владислав Ховалыг дыңнаткан. Ынчангаш бо хүннерде Каа-Хем хемниң эриин быжыглаары-биле ынаар техниканы дүрген чорудар даалганы чуртталга-коммунал ажыл-агыйның сайыды биле Кызыл кожууннуң чагырга даргазынга берген.
Суг үериниң айыылы тургустунуп турар
9 июня 2023
43