Сугга айыыл чок чоруктуң дүрүмнерин сагыыры чугула

Чайгы дыштанылгалар үезинде уругларның бертинип кемдээрин болгаш өлүп-хораарын болдурбазы-биле ада-иеге сүмелерни Тываның Өөредилге яамызы берип турар.

Чайгы дыштанылга үезинде улуг улустуң мурнунда кол сорулга – уругларның айыыл чок чоруун хандырары.

Ажы-төл-биле кады-даа дыштанып турар болза, уругларга дараазында дүрүмнер ажыктыг болур:

- бир эвес уруг 10 хар четпээн азы ол сугга чегей туттунуп турар болза, эштиирде кедер чеңи-чокту ажыглаар;

- уругларга суг иштинге чаштынып ойнаары азы оюн-баштак-биле бот-боттарын сугже киир идип ойнаары айыылдыг дээрзин тайылбырлаар;

- танывазы черге азы бөдүүн суг үнүжү сырый үнген черлерге шымнып эштири хоруглуг дээрзин тайылбырлаар, ол ышкаш бок азы даштарга кемдеп болурунуң азы эмин эрттир ханы черге таваржы бергеш, айыыл болуп болурунуң дугайында база;

- үрдүрген эштир кудустарга ырадыр эштип болбас, ол дээрге бүзүрел чок херексел, ону чүгле хөөлбектиң эриинге эштиринге ажыглап болур;

- эштир үени хынаар – соок сугга үр үе иштинде турары айыылдыг;

- уругга даштарга азы сугга кемдей бербес кылдыр тааржыр идик садып бээри чугула.