Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
06 декабря, вт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Суггарылга системаларын катап тургузар

14 ноября 2022
8

Тываның Көдээ ажыл-агый болгаш аъш-чем яамызы үш суггарылга системазын катап тургузарының төлевилелин Чазакче киирген.

Тываның Баштыңы Владислав Ховалыгның даалгазы-биле тургустунган тускай комиссия республикада суггарылга системаларын шинчилеп хынааш, оларның үжүн мурнады ажыглалче киирерин саналдаанын сагындыраал. Ол дээрге, Таңды биле Чеди-Хөл кожууннарда Мажалык, Кочетов база Элегес суггарылга системалары-дыр. Суггат объектилерин ажыглап эгелээр болза, ажыглал чок 2,76 муң га шөлдер көдээ ажыл-агыйынче эглип, суггат чок шөлдерден бодаарга, ийи-үш катап хөй дүжүттү алыр магадылалды бээр.

Шупту объектилерниң суг чыыр кол черлеринге үндезин септелгени база ооң кол болгаш биче арыктарының оруун эде кылыры негеттинип турар. Буга оруктарын ыяш-даш, бок-когурумдан аштап, септээр улуг ажылдар барын хыналда көргүскен. Ол бүгү ажылдарны кылып дооскаш, ынчан сугну бадырар.

Суггаттыг черлерге тараа культураларын (ак-тараа, кызыл-тас, сула, хүрең-тараа) чажып, 120 хире га шөлге картошканы база ногааларны олуртурун, Көдээ ажыл-яамызы дыңнаткан. Төлевилел чорудуу-биле ажылдың оон-даа дээштиин чедип алыр дээш, чаштырып суггарар 12 машинаны садып алыры планнаттынган. Шөлдерге кол ажылдарны “Төп МТС” КХН-ниң тракторлары, хөрзүн үлдүрертир, тарыыр база ажаар техникаларны ажыглап, чорудар.

Суггарылга системазын эде кылып, катап ажылдадыр, чаштырып суггарар дериг-тургузугларны садар, сезоннуг хову ажылдарының дорт чарыгдалын дуглаар хемчеглер кирген төлевилелдиң ниити үнези – 132 сая ажыг рубль. Төлевилче киирген инвестиция бир чыл болганда, ол бодун шынзыдыптарын яамының экономистерни санаан.

Мелиорация ажыл-агыйын катап ажылдадып эгелээрге, чаа он үш ажылчын олуттар ажыттынар, а республика рыногу чылдың-на немей 4,3 муң тонна тарааны, 1,9 муң тонна картофель база 687,5 тонна ногааны алыр.

Тываның Көдээ ажыл-агый болгаш аъш-чем аямызының төлевилели республика Чазаанга үнелелди ап, Тываның Баштыңының деткиишкинин алган. Ону боттандырар акша-хөреңгини 2023 чылдың республика бюджединде салган. Час дүжүп, агаар-бойдус чылып кээрге, специалистер суггарылга системаларын катап тургузар ажылдарже кирер.