Иштии-Хем суму чагыргазының ажылдакчылары суггат бугазын белеткеп эгелей бергенин чагырга чери дыңнаткан.
Доштуң кырындан хүл төп каарга, доштуң эриири дүрген болур. Олар бо арганы ажыглап, хүлдү шоодайлап чүдүргеш, чайындылап доңа берген буга суун дургаар төккен.
Иштии-хемчилер «Өг-бүлениң шыгжамыры» төлевилелде киржип турар. Олар суггат экиде, дүжүт элбек болур деп эки билирлер. Ынчангаш суггат бугазын белеткеп эгелээн.
Тываның Баштыңы Владислав Ховалыг картофель болгаш ногаа аймаан тарыырынче өг-бүлелерни хаара тудары-биле «Өг-бүлениң шыгжамыры» төлевилелди эгелээнин сагындыраал.