Сукпак суурнуң көдээ клувунуң чанында чаа спорт шөлүн тудуп турарын чагырга чери дыңнаткан.
Тыва спортчу инфратургузугну сайзырадып, чурттакчы чонну амыдыралдың идепкейлиг болгаш кадык овур-хевиринче хаара тударынга байдалдарны тургузар дээн ажылдарны доктаамал чорудуп турар.
Бо чылын аңгы-аңгы чурттакчылыг черлерде кудумчуларга спортчу дериг-херекселдерлиг он чаа спорт шөлүн тудары планнаттынганын сагындыраал.
Федералдыг программалар шугуму база партнерларның деткимчези, ооң иштинде Ажаалга банкызы-биле кады ажылдажылганың ачызында төлевилел боттанып турар.
Чаа спорт шөлдери республиканың амгы инфратургузуунга чугула немелде болуп, ылаңгыя аныяктар ортузунга кадык амыдыралды суртаалдаар.