Тываның чедери берге болгаш биче суурларының чурттакчылары "Кадык камгалалы» национал төлевилел боттанылгазы-биле амгы үениң эмчи ачы-дузаларын алыр аргалыг апаар.
“Кадык камгалалы” национал төлевилел деткимчези-биле, Тожу кожууннуң Сыстыг-Хем суурунда фельдшер-акушер пунктузунуң тудуу шалыпкын чоруп турар. Амгы үеде объектиде тудуг ажылдары 90 хууга күүсеттинген. Ноябрь айда сыстыг-хемчилер чаа эмнелге албан черинге шынарлыг медицина дузазын ап эгелээр.
Фельдшер-акушер пунктузун чаңгыс аай стандартка чагыртып, тудуп турар. Чаа тудугнуң шөлү – 130 дөрбелчин метр. Изиг, соок суглуг, чылыдар шалаларлыг, өрээлдерде кварцтыг лампаларлыг, чылыг, чырык арыгланыр өрээлдиг, чеди өрээлдиг эмнелге черин негелделеринге дүүштүр чырыкка кожар, аарыг кижилерге манаашкын залын тускайлаар.
