Ноябрь 6-га чедир Тываның школачыларынга немелде өөредилге албан черлеринге, уругларның база элээдилерниң спортчу болгаш хөгжүм школаларының, хоорай-суурларның, уругларның база үлегер-майыктың ном саңнарының, культура бажыңнарының, Өг-бүле болгаш уругларга социал дуза төптериниң база оон-даа өске албан черлериниң баазазында түр када хостуг үе төптери ажылдап турарын ТР-ниң Өөредилге яамызыны дыңнаткан.
Түр када хостуг үе төптеринче 7-17 хар назылыг школачылар барып болур. Ында уругларның сонуургалдарының аайы-биле чаңгыс үе назылыгларга база аңгы-аңгы назылыгларга ажыл-чорудулганы организастаан. Оларның сонуургалдарын барымдаалап, назы четпээннерниң угаан болгаш чогаадыкчы сайзыралын, ниитилелде аңгы-аңгы социал хүлээлгелерни күүседиринге белен болурун тургузар, мергежилдиң уг-шиин билир, кадыкшылын быжыглаар сорулгалыг чорудуп турар.
Муниципалдыг тургузугларга күскү дыштанылгалар үезинде спортчу-кадыкшыдылга, турисчи, экология-биологтуг, чогаадыкчы, төөгү-ада-чуртчу, техниктиг, чурт шинчилел, күш-ажыл болгаш оон-даа өске угланыышкыннарны организастаан.
Түр када хостуг үе төптериниң хевири – хүндүскү үеде турар, долу эвес ажыл хүнү (хүнде 4 шакка чедир), 5 ажыл хүнүнден эвээш эвес.
Өөредилге шугумунуң талазы-биле уругларның хостуг үезин муниципалдыг тургузугларның немелде өөредилге албан черлеринге организастаан турар.
Түр када хостуг үе төптеринче күзелдиглерни бижидерде, чурттап турар чериниң аайы-биле республиканың муниципалдыг тургузугларда өөредилге эргелелдеринче, чоннуң культура болгаш социал камгалал черлеринге барып болур.
