Бистиң республиканың уруглары болгаш аныяктары федералдыг болгаш делегей чергелиг шөлдерге төрээн чериниң дугайында чугаалаар аргазы бар.
«Төрээн чериң дугайында делегейге чугаала» деп шак-ла ындыг аттыг VII делегей чергелиг мөөрейге ажылдарны хүлээп алыры март 25-ке чедир уламчылап турар. Мөөрей бичии уругларның болгаш аныяктарның ада-чуртчу кижизидилгезинче, бистиң болгаш даштыкы уругларга база аныяктарга Төрээн чуртувус – Россияга хүндүткелдиг хамаарылганы хевирлээринче угланган.
Мөөрейниң киржикчилери Төрээн чериниң эң-не солун болуушкуннарын, чаңчылдарын, уттундурбас черлерин шилип алгаш, оларның дугайында таныштырар. Ажылдарны видео, таныштырылга арыны азы чурук хевирлиг кылдыр киирип болур.
Мөөрейниң тускай шаңналдарын доктааткан: Россияның ада-чуртчу төвү – «Төрээн чуртувустуң камгалакчызы» vk.com/wall-150412819_49759, Биргилерниң шимчээшкини – «Төөгүнүң кадагалакчылары» vk.com/wall-150412819_49875, «Чанар орук”, азы «Төрээн чурт дугайында чүректерни чылыткан чугаа» деп төлевилел vk.com/wall-150412819_49913, Россияның Чоннар бажыңы – «Соңгу болгаш Ыраккы Чөөн чүктүң үндезин чоннарының чаңчылдарын болгаш культуразын кадагалап база нептередир дээш», «Россияның девискээринде чурттап чоруур чоннарның чаңчылдарын болгаш культуразын кадагалап база нептередир дээш» vk.com/wall-150412819_49916.
Тускай шаңнал бүрүзүнде бирги, ийиги, үшкү черлерни тыпсыр. Жюриниң шиитпири-биле мөөрейниң Дээди шаңналының тиилекчилери тодараттынар. Оон аңгыда «Россия дугайында 175 эң эки чогаал», «30 эң эки даштыкы ажыл» деп номинацияларга тиилекчилерни илередир.
Мөөрейниң шупту киржикчилери электроннуг сертификаттарны, дагдыныкчылар электроннуг өөрүп четтириишкин бижиктерин, а тиилекчилер дипломнарны болгаш тураскаалдыг суй-белектерни алыр. Шупту тиилекчилерни Москвага күрүне болгаш хөй-ниити ажылдакчылары киришкен байырлалдың кол езулалынче чалаар.
Мөөрейге киржир ажылдарны www.youthy.ru сайтыда хүлээп ап турар. Ол ышкаш социал четкилерде vk.com/telltheworldaboutrussia, [#alias|[#alias|[#alias|ok.ru/group/5374…|ok.ru/group/5374…]|[#alias|ok.ru/group/5374…|ok.ru/group/5374…]]|[#alias|[#alias|ok.ru/group/5374…|ok.ru/group/5374…]|[#alias|ok.ru/group/5374…|ok.ru/group/5374…]]] деп мөөрейниң албан езузунуң бөлүктеринде мөөрейниң дүрүмүн болгаш херек шупту медээлерни тып ап болур.
