Тываның А.С. Пушкин аттыг национал ном саңының чурт-шинчилел чогаалы болгаш национал библиография килдизиниң ажылдакчылары Кызылдың А.А. Алдын-оол аттыг 2 дугаар школазының 9 «б» клазынга “Төрээн дыл – чоннуң өнчүзү” деп хемчегни эрттиргенин ном саңы дыңнаткан.
Ном саңының ажылдакчылары Россияда чоннарның дылдар хүнүнге тураскааткан хемчег үезинде школачыларга байырлалдың ужур-утказын, төрээн дылдарны хүндүлээрин, ооң сорулгаларын деткиирин база тыва дылывыстың төөгүзүн, аңаа хумагалыг болурун чугаалап берген.
Тыва дылга хамаарышкан солун айтырыгларлыг викторинаны база эрттирген. Уруглар айтырыгларга идепкейлиг харыылап, хемчегге улуг сонуургал-биле киришкен.