Чеди-Хөл кожуунга эрткен «Таңды-Ууланың даңгыназы-2023» чараш кыстар мөөрейинге Чөөн-Хемчиктен Долгармаа Сат тиилээн.
Чоннуң чаңгыс эп-сеткилиниң чылынга болгаш Чеди-Хөл кожууннуң тургустунганындан бээр 30 чылынга тураскааткан кожууннар аразының чараш кыстар мөөрейинге Чөөн-Хемчик, Улуг-Хем, Чеди-Хөл, Барыын-Хемчик, Эрзин кожууннарындан он чараш кыс киришкен.
Даңгыналар мөөрейге боттарының уран-талантызын болгаш тывызык каас-чаражын көргүзүп, кежээниң каастакчылары болган. Бирги болгаш ийиги черлерни Улуг-Хемниң төлээлери Ксения Оолак биле Алдын-Сай Натпит чаалап алган. Номинациялар аайы-биле тиилекчилерни база шаңнап-мактаан.
Частың үрде манааны болуушкунун Чеди-Хөл кожууннуң чагырга чери, Улуг-Хемниң болгаш Чеди-Хөлдүң культура эргелелдери, хууда сайгарлыкчылар – «Сылдыс», «Мираж», «Түмен», «Радуга» садыгларның ээлери болгаш өскелер-даа деткикчилээн.
«Классная встреча» в Мугур‑Аксы: школьники открыли для себя мир альпинизма и горного туризма
В селе Мугур‑Аксы Монгун-Тайгинского района прошла «Классная встреча» с руководителем и членами клуба альпинизма и горного туризма «Менги» во главе с Дамыраком Данзы.