Республикада Аныяктар хүнүнге тураскааткан хемчеглер уламчылап турар. Тываның хамааты байдалдың актылар бижидилгезиниң Таңды кожуунда эргелелиниң ажылдакчылары Байлак биле Чодураа Мумбарларның аныяк өг-бүлезин хүндүткеп байырлаан. Олар өг-бүле тудуп бадылашканындан бээр беш чыл оюн демдеглеп турар.
Хөй ажы-төлдүг өг-бүле «Кыштаг» төлевилелиниң Кочетов сумузундан киржикчилери. Аныяк малчыннар эрткен чылын төлевилелдиң дараазында киржикчилеринге 200 төрүүр хойну дамчыткаш, чымыштыг ажыл-ижин уламчылап турар.
Өгнүң эр ээзи кожуунда өскүс уругларга бажыңнар тудуп турар тудуг бригадазының билдилиг удуртукчузу. Чодураа Мумбар база анаа олурбайн, немелде эртем – нугуг кылыр мергежилди чедип алган.
Таңды кожууннуң чагырга чериниң төлээлери үлегерлиг аныяк өг-бүлеге байыр чедирип, суй белектерни тывыскан.
#Таңдыкожуун #Кочетов #Аныяктархүнү #Кыштаг #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
