Тожу кожууннуң үш суурунда соталыг харылзаа база дүрген дамчыыр мобильдиг интернет ажылдап эгелээн.
Тываның Тожу кожууну кожа регионнардан балыктаарын база суг туризмин сонуургап чоруурларны сорунзалай тыртта бээр черлерниң бирээзи.
«МТС» соталыг харылзаа компаниязы чайгы сезон ажыдыышкынынга уткуштур мобильдиг харылзааны экижиткен. Чүнүң-даа мурунда, тайга-таскылда ивижилер биле аңчыларның амыдырал байдалының шынарын экижидери-биле дүрген харылзаалыг интернетти кииргени ол.
Чоокка чедир кожуунга соталыг харылзаа чүгле Тоора-Хем суурга турган. «МТС» компания ийи чыл бурунгаар LТЕ баазалыг станцияны кымны мурнай тургускан. Оон Адыр-Кежиг суурну үн харылзаазы база дүрген харылзаалыг интернет-биле хандырган. Ол суурдан ырак эвесте Ий база Салдам суурлар, бойдустуң турскаалдыг чери – Азас хөл бар.
Майда Тожу кожуунче улуг көвүрүгнү тудуп, Тываның өске черлери-биле автомобиль аргыштырылгазын экижиткен. Ам кайгамчык бойдус чурумалдыг Тожу кожуунче туристер аргыжалгазы 60-70 хуу көвүдээр деп, Культура яамызы санап турар.
Тываның соңгу-чөөн талызында ыраккы Тожу кожуун республикада эң эвээш чурттакчылыг черлерниң бирээзи болур. Ында иви ажыл-агыйы, аңнаашкын база балыктаашкын тывыжы-биле амыдырап чоруур чеди муң четпес кижи бар. Хөй санныг улуг-биче хөлдерде база Бии-Хемде эң үнелиг деп санаар бел, кадыргы-биле байлак.
#Чурагайлыгхөгжүлдеяамызы #МТС #Тожукожуун #Тоора-хем #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
В Туве водитель, из-за которого погибли 5 человек, приговорен к 10 годам лишения свободы
38-летний водитель из города Кызыла, который в состоянии алкогольного опьянения стал причиной гибели пяти человек, был признан виновным в нарушении правил дорожного движения.