Бии-Хем кожуунда Тарлаг сумузунуң ортумак школазының үндезин септелгези дооступ турарын ТР-ниң Өөредилге яамызы дыңнаткан.
Школада серизин, электри суурундаан, чылыдылга системазын, шалазын солуур, шеверлел ажылдар, школаның мурнуу талазын чаартыр дээш, оон-даа өске ажылдар кылдынган.
Оон аңгыда, школаның материал-техниктиг баазазын чаартыры көрдүнүп турар. Ада-ие бөлүү база септелге ажылдарының чорудуун хынаары-биле хаара туттунган.
Август айда чаартынган школаның байырлыг ажыдыышкыны болур. Сентябрь 1-де 100 хире оолдар болгаш уруглар боттарының «чаа» школазының эргинин артаар.
Тывада бо чылын 26 школада үндезин септелге чоруттунуп турар. Ук төлевилелди боттандырар ниити үеде 70 школа септеттинер.
