Тываның В.Көк-оол аттыг Национал хөгжүм-шии театрының артистери Раволда Монгуштуң тургусканы “Бичии ангел” деп чаштарга тоолу-биле Барыын-Хемчик болгаш чоок-кавы кожууннарның уруглар садтарынче чедип, чаштарны өөртүп эгелээн.
Дүүн Бай-Тайга кожууннуң төвү Тээлиде «Белек» болгаш «Аян» уруглар садынга артистер чедип, театрның аныяк артизиниң тоолун көргүскен. Аалчылар оолдар, уругларга өткүт каткыны, хөглүг хөөннү болгаш өөрүшкүнү сөңнээнин чуруктар бадыткап турар. Ол ышкаш кожууннуң культура одаанга база шиини бараалгаткан.
Бөгүн ачы-дуза үнүүшкүннүг-көргүзүг школа-интернатка болур.
