«Сорунза» төлевилелдиң ачызында Бай-Тайга кожуунда культура-дыштанылга төвүн тудуп эгелээнин чагырга чери дыңнаткан.
Ээр-Хавак биле Найырал сумулардан культура ажылдакчылары тудугжуларга идепкейлиг дузалажып турар. Ындыг деткимче-биле ажыл-херек шалыпкын болур.
Тээли сумузунда Н. Өлзей-оол аттыг культура бажыңының директору Нелли Күдеректиң дыңнатканы-биле алырга, тудугжулар объектини сентябрь айда ажыглалче киирерин планнап турар.
Төлевилел кады акшаландырыышкын-биле боттанып турар: республика бюджединиң акша-хөреңги-биле тудуг материалдарын, эт-септи, дериг-херекселди садып ап турар болза, тус чер бюджеттери техниктиг негелделер, чөпшээрел документилерин, транспорт чарыгдалдарын болгаш өске-даа херектиг чүүлдерни хандырарын харыылап турар.