Бай-Тайга кожууннуң Тээли сумузунда хууда сайгарлыкчыларның бирээзи – Сайлык Конгар. Ол социал керээге үндезилээн күрүне деткимчезиниң ачызында эът ыштаар цехти 2022 чылда ажыдып алганын чагырга чери дыңнаткан.
Эгелеп чоруур сайгарлыкчы эът аймаандан аңгыда балык болгаш дагаа эъдин ыштап, колбаса кылыгларын база бүдүрүп турар.
Сайлык Конгар ооң мурнунда ажыл-биле бот-хандыртынган турган, ам хууда сайгарлыкчыларның санынче кирген. Хөй ажы-төлдүг деткимче алыкчызы Шагаа таварыштыр эът ыштадып алыр күзелдиг бай-тайгажылардан чагыгларны хүлээп эгелей берген.
“Социал керээ” программазының деткимчези-биле республиканың чурттакчылары боттарының ажыл-херээн уштап, орулгаларын өстүрер аргалыг болган. Бай-Тайга кожуунда эгелеп чоруур сайгарлыкчыларның саны база эвээш эвес.
Тээлиде эът ыштаар биче бүдүрүлгеде
2 февраля 2024
28