Эртен, Өг-бүле, ынакшыл болгаш шынчы чорук хүнүнде, Тывадан Тенгиз Ондар биле Маргарита Эренчинниң өг-бүлези Москвага бүгү-российжи куда-дой фестивалынга киржип, өг-бүле тутканының херечилелин ап, байырлыг байдалга бадыланчырын ТР-ниң Өөредилге яамызы дыңнаткан.
«Россия. Чүректерни доңнаштырбышаан» II бүгү-российжи куда-дой фестивалы «Россия» Национал төпке июль 8-тен 10-га чедир үргүлчүлээр.
Тенгиз Ондар биле Маргарита Эренчин 17 чыл бурунгаар Кызыл хоорайның 1 дугаар школазынга таныжып алганнар. Маргарита школачыларга фотосинтез дугайында тайылбырлап, а Тенгиз Куликов тулчуушкунун өөредип турган.
Бо үеге чедир олар мергежээн тускай мергежилдиглер апарган. Тенгиз школада төөгү башкызы болуп ажылдавышаан. Ада-чурт төп музейиниң база Кызыл хоорайның мэриязының Хүндүлел бижиктери-биле шаңнаткан. Маргарита ТР-ниң Чазак Даргазының оралакчызының секретариадында консультант кылдыр ажылдап турар. Ол база аңгы-аңгы шаңналдарның эдилекчизи.
Аныяктар чүгле мергежилиниң аайы-биле чедиишкиннерлиг эвес, а бо чылдар иштинде чараш чүүлдү эскерип, бот-боттарын сөс чокка билчип, кезээде эгин кожа чоруурлар.
«Россия. Чүректерни доңнаштырбышаан» II бүгү-российжи куда-дой фестивалы июль 10-га чедир үргүлчүлээрин сагындыраал. Ооң программазынче өөредиглиг экскурсиялар, мастер-класстар, делгелгелер, лекциялар кирген. Фестиваль үезинде куда-дой езулалдары таварыштыр Россияның чоннарының байлак культуразы илереттинер.
#Өөредилгеяамызы #ТМГМедээлер #Тыва #Тывамедээ #Тывадыл #Тывамедиагрупп #Тува