Тываның мурнуу кожууннары – Тес-Хем база Эрзинче доктаамал аргыжылганы катап ажытканы таарымчалыг байдалды тургускан. Тус кожууннарның чурттакчылары Тываның Баштыңынга өөрүп четтиргенин илередип турар.
Тес-Хем кожууннуң чагырга чериниң даргазы Чингис Тогаачының дыңнадып турары-биле алырга, тус черниң удуртулгазы аргыжылга өртээлиниң септелгезин, чолаачылар база ава биле чаштың өрээлдерин кылып турар. Амгы үеде ында пассажирлерге интернетче кирер Wi-Fi кожуп, белеткээн.
Тес-Хемниң хоочуннары узун орук чоруурунга таарымчалыг амгы үениӊ автобузунуң иштин сонуургап көрген. Ында телевизорну, телефоннар октаар херекселдерни, видеохайгааралды тургускан. Ол ышкаш чүък сугар чери делгем болганын энелер онзалап демдеглээн. Буурул баштыг хоочуннар кожуунга пассажирлер аргыштырар улуг автобус сөөлгү катап 1999 чылда, 23 чыл бурунгаар, келгенин сактып турган.
Орук-транспорт яамының дыңнатканы-биле алырга, Кызылдан Эрзинче 211 дугаарлыг маршрут вторник, среда, четверг, пятница, суббота база улуг-хүннерде үнер. Чедер черинге чедир орук өртээ 400 рубль болур.
Кожууннар аразынга пассажирлер аргыштырылгазын организастаары-биле Тываның Чазааның детимчези-биле 39 олуттуг "Yutong" маркалыг автобустарны сатканын сатканын сагындыраалы.
