Самагалдайның 2 дугаар школазының үндезин септелгезин 50 хууга күүсеткен. Хүлээникчи тудуг организация «Атриум» КХН керээ езугаар август беште тудуг ажылдарын дооскан турар.
Тес-Хем кожууннуң чагырга даргазының амыдырал-хандырылга талазы-биле оралакчызының хүлээлгезин күүседип турар Бэлла Суван ук объектиде тудуг ажылдарының дугайында @tmgnews17 дыңнаткан.
– Ук объектиде 40 тудугжу ажылдап турар. Бо хүнде Орлан Аракчааның тудуг бүдүрүлгезиниң ийи бригадазы оран-саваның мурнуу талазын шеверлеп, шала плитказын салып, хуралдаар залдың чаа сценазын, кирер эжиктерни, ийи септикти тургузуп, эргижирээн батареяларны солуп турар. Школаның серизин, өрээлдер эжиктерин солуп каапкаан. Тудуг ажылдары график езугаар чоруп турар – деп, Бэлла Суван чугаалап турар.
