Бо чылын Тывада «Сорунза» төлевилели-биле үш чаа культура бажыңын туткан. Өвүр кожууннуң Ак-Чыраа, Сүт-Хөлдүң Кара-Чыраа база Тес-Хемниң Ак-Эрик суурларда тудуг ажылдары чоруп турар.
Чоокку үеде амгы шагның культура-дыштанылга төптериниң делгем өрээлдеринге тус черниң чурттакчылары бөлгүмнер болгаш клуб каттыжыышкыннарынга киржип эгелээр.
Тес-Хемде тудугну июль ортан үезинде эгелээн. Амгы үеде чаа клуб болгаш ном саңының тудуунда ниитизи-биле 16 кижи ажылдап турарын чагырга чери дыңнаткан.
Тус чер чагыргаларының эгелээшкиннери база суур чурттакчыларының идепкейи-биле төлевилелди боттандырып, тудуг ажылдарын боттарының күжү-биле кылып турарын сагындыраал.
