Теве-Хаяга удавас спортчу шөлчүгеш ажыттынар

Чөөн-Хемчик кожууннуң Теве-Хая сумузунда “Чурттаар чер болгаш хоорай хүрээлели” национал төлевилелдиң чорудуу-биле спортчу шөлчүгештиң тудуу уламчылап турарын чагырга чери дыңнаткан. Тудуг ажылдары май айда эгелээн.

Теве-хаяжылар эрткен чылгы онлайн-бадылаашкынга идепкейлиг киришкениниң болгаш национал төлевилелдиң ачызында удавас спортчу шөлчүгештиг болурлар.

Эрткен чылдың бадылаашкынының түңнелдери-биле, бо чылын республиканың хоорай база суурларында 30 хөй-ниитиниң шөлдерин эде чаартыр, ынаар күрүне 100 сая рубльди аңгылаан.