Бии-Хем кожууннуң хоочуннар чөвүлели «Бүгү чүүлдү тиилелге дээш!» акцияга каттышканын «Энерелдиг сеткилдиң оруу» ачы-дуза фондузу дыңнаткан.
Мөңгүн назылыглар чыгдынган акша-хөреңги-биле тускай шериг операциязында киржип турар дайынчыларга эм-таң болгаш чаъска-кедерлерни саткан.
– Тиилелге быжыг тыл-биле чедип алдынар. Бистиң уйнуктарывыстың амы-тынынга айыыл турза-даа, олар дайынчы албан-хүлээлгезин хүннүң-не эрес-дидими-биле күүседип турарлар. Ынчангаш оларга быжыг чөленгииш болур ужурлуг бис – деп, буурул баштыг идепкейжи энелер чугаалап турар.
Тускай шериг операциязында киржип турар дайынчыларга ачы-дуза чыыр пункт дараазында адрестерде ажылдап турар: Кызыл хоорай, Кызыл партизан кудумчузунда 30 дугаар бажың, каб. 106 (“Ада-чурт камгалакчылары” күрүне фондузу); Кызыл хоорай, Кочетов кудумчузунда 30 дугаар бажың, каб. 26 (Ниити-российжи улусчу фронтунуң Тывада салбыры).
