«Тиилелгениң диктантызының» даалгаларын алды дылга очулдурган

Бо чылын «Тиилелгениң диктантызының» даалгаларын алды дылга – кыдат, серб, испан, немец, француз болгаш англи дылдарга очулдурган.

Диктант бижидер шөлдерниң саны ам безин 22 муң ашканын «Чаңгыс демниг Россия» политиктиг партияның «Төөгүлүг тураскаал» деп төлевилелиниң удуртукчузу, Күрүне Думазының информация политиказының талазы-биле комитединиң даргазы Александр Хинштейн чугаалап турар.

— Чыл келген тудум регионнарда ындыг шөлдерниң, чурттуң төөгүзүн сонуургап чоруур диктант киржикчилериниң саны көвүдеп турар. Ол дээрге төөгүлүг тураскаалды, өгбелеривистиң маадырлыг чоруун, Ада-чуртувустуң маадырлыг төөгүзүн утпайн чоруурувус ол-дур. А бөгүн диктантыда көдүртүнүп турар айтырыглар тоң чугула — деп, ол айыткан.

Эң хөй шөлдер саны Ставрополье, Краснодар крайда, Москва, Самара болгаш Тула областарында. «Тиилелгениң диктантызының” 120 ажыг шөлүн Донбасска организастаар.

Диктантының регионалдыг кезээнге айтырыгларны 18 чурттуң төөгүчүлери, политиктиг уг-шиглиг хөй-ниити каттыжыышкыннары тургускан. Ооң иштинде Абхазияның, Азербайджанның, Аргентинаның, Арменияның, Бельгияның, Болгарияның, Египеттиң, Индияның, Казахстанның, Киргизияның, Молдованың, Моолдуң, Сербияның, Таджикистанның, Узбекистанның, Финляндияның, Францияның, Чехияның база. Бо чылын бо төөгүлүг акцияга бир-ле дугаар Шри-Ланка база киржир.

«Тиилелгениң диктантызы» апрель 27-де эртер. Ооң Төп шөлү чаңчыл езугаар Москваның Тиилелге музейи болур.