К. И. Чуковский аттыг уругларның ном саңында Тыва дыл хүнүнге тураскааткан «Мээң ынак тоолум» деп хол биле кылган ажылдарның түңнелдерин үндүргенин ном саңы дыңнаткан.
1-4 класстар аразынга 1-ги черге 5 дугаар гимназияның өөреникчизи Баина Ооржак төлептиг болган. 2-ги черни 5 дугаар гимназияның өөреникчизи Айшет Сат чаалап алган. 3-кү черде Х.Н. Чүргүй-оол аттыг 16 дугаар лицейниң өөреникчизи Валентина Седен.
Х.Н. Чүргүй-оол аттыг 16 дугаар лицейниң өөреникчизи Мерген-Херел Ондар “Эң-не тоолчургу скульптуралыг тоол”, уругларның немелде өөредилге төвүнүң өөреникчилери Түмен-Кежик Найдан – “Эң-не чараш композиция”, Денис Ховалыг – “Эң-не онзагай тыва улустуң тоолун көргүскени”, 17 дугаар школаның өөреникчизи Айдыс Бимба, 8 дугаар школаның өөреникчизи Айрат Седен-оол “Көрүкчүлерниң сонуургалы” деп тускай шаңналдарга төлептиг болганнар.
Тоол – өгбелеривистиң аас-чогаалының бир онзагай хуулгаазын хевири. Мөөрейниң кол сорулгазы – тыва аас чогаалдың уран-чечен болгаш онзагай чараш хевири болур тоолдарже уругларның кичээнгейин угландырары.
Тиилекчилерге дипломнар болгаш белектерни тыпсып, шаңнап-мактаан.
