ТР-ниң Дээди хуралының депутады Вера Левина Тоора-Хемде школаның үндезин септелге ажылдарын хынап көрген.
Депутат тудугжулар ажылын шынарлыг күүседип турарын дыңнаткан. Объектиниң үндезин септелгезин хүлээникчи организация – Орлан Аракчааның тудуг компаниязы март 25-те эгелээн.
Септелге ажылдары доостурга, эт-сеп база оргтехниканы тургузар. Оран-саваның серизи, шалазы, соңгалары, школаның даштыкы-иштики хевири, чылыдылга системазы бүрүнү-биле чаартынар.
ТР-ниң Дээди Хуралының даргазы Кан-оол Даваа республикада школаларның үндезин септелгезин хыналдага алыр даалганы депутаттарга бергенин сагындыраал.
