Тывадан тускай шериг операциязының киржикчилерин база оларның өг-бүлелерин чурттаар чер, чуртталга-коммунал ажыл-агый ачы-дузалары база капитал септелге дадывырында чогуур үезинде азы чедир төлевээни дээш хуу санавас.
Тываның Баштыңы Владислав Ховалыг долу эвес мөөңнээшкинче кыйгырткан хамаатыларга база оларның өг-бүлелеринге социал деткимчениң ол хемчээн чурумчуткан чарлыкка атты январь 10-да салган.
Курлавыр хандырылгазының организациялары, башкарыкчы компаниялар, чурттаар оран-сава хөлезилекчилери база регионнуң хөй аал чурттаар бажыңнарның капитал септелге фондузу төлээр үезин эрттиргени дээш, олардан торгаал тыртарын ук чарлык дорт хораан.
Долу эвес мөөңнээшкинче кыйгырткан хамаатылар база оларның өг-бүлелери хуу санаарындан хостаар кылдыр чогуур организацияже, капсептелге фондузунче, башкарыкчы компанияже азы чуртталга бажыңнарының ээлериниң эштежилгезинче хостуг хевирде бижээн билдириишкинни киирер.
Билдириишкинге РФ-тиң Чепсектиг Күштеринче кыйгырткан кижиниң бодун шынзыткан, ооң албан-хүлээлге эрттирип турарын, долу эвес мөөңнээшкинче кыйгырткан кижиге кым болуп турарын шынзыткан документилерни кожар.
Чарлык 2022 чылдың октябрь 7-ден эгелеп эрге-хоойлу хамаарылгаларынга хамааржырын документиде айыткан. РФ-тиң Күш-ажыл хоойлузунче эдилгени киирип, шериг албанынче долу эвес мөөңнээшкин-биле кыйгырткан хамаатыларга магадылалдар берген хоойлуга атты чурттуң Президентизи салган.
Семья Шойгу передает новый монастырь «Тубтен Шедруб Линг» верующим Тувы
«Буддийский монастырь «Тубтен Шедруб Линг» распахнувший свои двери всего полтора месяца назад, становится значимым символом нашей республики.