Тываның Баштыңының даалгазы езугаар, республикада “Улусчу картофель” губернатор төлевилели боттанып эгелээн. Хөй ажы-төлдүг болгаш эвээш орулгалыг өг-бүлелерни деткээн кризиске удур хемчеглериниң бирээзинге ук төлевилел хамааржыр.
ТР-ниң Күш-ажыл яамызының сан-чурагайлары-биле алырга, республикада шупту тос муң ажыг өг-бүле деткимчени алыр. Өг-бүле бүрүзүнге 25 кил картофель үрезинин дамчыдар.
Республиканың девискээринде 71880 өреге бар. Эвээш орулгалыг 23 муң өг-бүлениң огород ажылынче 16 муң хирези азы 66,5 хуузу хаара туттунган. Тос муң ажыг өг-бүле картофель үрезинин хереглеп турар. Ол дээрге 238,4 тонна-дыр.
Республиканың бюджединден төлевилелди боттандырылгазынче сес сая рубльди тускайлаан. Ол ышкаш бюджеттен дашкаар акша-хөреңгини киириштирер – ачы-дуза чедирилгези. Деткикчилер 254 өг-бүлеге 28 тонна картофель үрезин дамчыдар.
Тываның Баштыңы көдээ ажыл-агый бүдүрүкчүлериниң мурнунга картофель база ногаа аймаан тарыырының хемчээлин көвүдедир сорулганы салганын сагындыраал. Ол ышкаш Чазак Даргазы республиканың чурттакчыларын ийиги хлеб – картофельди тарыырынче кыйгырган. Дазыл-чемиштиң курлавыры хөй ажы-төлдүг өг-бүлелерге черле херек.
Онза хереглелдиг хөй ажы-төлдүг база эвээш орулгалыг өг-бүлелерге картофель үрезинин болгаш “борщ түүн” дамчыдып бээри – төлевилелдиң сорулгазы.
В честь 100-летия со дня рождения композитора Алексея Чыргал-оола в Кызыле прошёл праздничный концерт
Накануне, 24 апреля, в честь 100-летия со дня рождения первого профессионального тувинского композитора Алексея Чыргал-оола Кызылский колледж искусств им. А. Б. Чыргал-оола провел праздничный концерт…