Тожу февраль 25-те эртер ивижилер фестивалының аалчыларын хүлээп алырынга белеткенип эгелээн. Байырлал кожуун төвү Тоора-Хемден ырак эвесте бирги оймакка болурун эрттирикчилер дыңнаткан.
Тожу кожууннуң ивижилери база чурттакчы чону национал идик-хевин, суй-белектерин, аңныыр тывыжын база бойдус байлаан делгээн ярмарка-садыглаашкынны болгаш өңгүр-каас чыскаалын фестивальдың аалчыларынга сонуургадыр. Тос чадырлар көрүлде мөөрейин эрттирер.
«Ыраажы ивижи» ыры мөөрейинге ивижилер боттарының салым-чаяанын бараалгадыр. Иви чаражы, малды дүрген эзертээри, аңнаар хаакка чарыш, ыяш хирээлеп, чарарынга, ча адарынга эр улус мөөрейлежир. Ивиниң эң эки дерилгезинге мөөрей чарлаттынган. Тус чер аныяктарының байырлыг бадылажылгазы байырлалды каастаар.
Фестиваль үезинде ийи «төгерик столду» эрттирер. Тываның Шүүгү яамызы Тожунуң ивижилеринге юридикиг консультацияларны феставаль хүннеринде организастаар.
Тожунуң ивижилериниң кол байырлалы – фестиваль ийи чылда бир катап болуп турар. Тожуга ол үеде чеде берген аалчылар Тываның биче буурай үндезин чонунуң амыдырал-чуртталгазы-биле чоок таныжар аргалыг.
В Бай-Тайгинском районе прошло чествование юных сумоистов
В актовом зале Администрации Бай-Тайгинского района прошло чествование юных сумоистов, достигших высоких результатов на соревнованиях в городе Казани.