Тожу кожууннуң идепкейжилери Украинага тускай шериг операциязында киржип турар шериг албан-хүлээлгелиг дайынчыларны деткээн "Кызыл кош" акцияга катчып келген.
Ачы-буян дузаламчызын чыыр акцияда шупту тожулар киржип турар. Херээженнер чөвүлелиниң удуртукчузу Долаана Ортун-Назынның үделгези-биле чүъктү хүлээдир дээш Кызылче үнүпкен.
1941-1945 чылдарда бот-догунаан тыва күрүне ССРЭ-ге алдын курлавырын, акша-хөреңгини база дузаламчыга берген. Совет акшаже шилчидерге шупту 35 сая рубльди дамчыткан. Ол үеде 100 муң четпес чурттакчылыг Тыва Арат Республиканың фронтуга чедирген ниити дузаламчызының түңү 70 сая рубль болган.
