Хунажык Комбуевич Ондар
Ада-чурттуң Улуг дайынының кадыг-дошкун дайынчы чылдарында Хунажык Комбуевич болгаш өске-даа чолаачыларның Тывадан Хакасияже фронтуже ачы-дуза чедирилгезин дүн-хүн дивейн эрттирген орукту «Хунажыктың арт-сыннары» деп адаан турган.
Хунажык Ондар боду ол маршруттуң кайы-хире айыылдыг турганын сактып чугаалаан: "Ол үеде бисте 30 машина турган. Узун оруктан чедип кээрге-ле, өске орукче дааскан. Кызыл-Абакан аразынга 10 хонук эртер турган. Оруктары дыка берге, багай турган".
Хунажык Комбуевич Ондар 1914 чылда Улуг-Хем кожуунга, ядыы арат өг-бүлеге төрүттүнген турган. 20 харлыг тургаш 1934 чылда найысылал Хем-Белдирге чолаачы өөредилгезин дужаап чорупкан. Ол-ла чылын Совтувтранстың чолаачызы апарган, ЗИС-5 чүък машиназын мунуп турган. Бир дугаар тыва чолаачы Дажы Тюлюштүң өөреникчизи чораан. Ада-чурттуң Улуг дайынының үезинде Ондарга Кызыл Шеригге Тывадан белектерни чедирер даалга дааскан. Хоорайның транспорт инфраструктуразының хөгжүлдезинге улуг үлүг-хуузун киирген.
Хөй чылдарда бердинген ажылы дээш орденнер, медальдар, хүндүлүг аттар-биле шаңнаткан. Ленин ордени биле «Хүндүлел демдээ» орденниң, «РСФСР-ниң автотранспорт болгаш автооруктар талазы-биле социалистиг күш-ажылдың тергиин ажылдакчызы» аттың, «Авария чок ажыл дээш» демдектиң 3-кү чаданың эдилекчизи, «Тыва АССР-ниң транспортунуң алдарлыг ажылдакчызы» деп аттың эдилекчизи. Ол ышкаш Тыва Арат Республиканың база Күш-ажылдың Кызыл Туктуң ордени-биле шаңнаткан. ССРЭ-ниң Дээди Совединге соңгуттурган.
«Кызыл хоорайның хүндүлүг хамаатызы» атты 1972 чылдың июнь 20-де тывыскан.
Номдан чурук. Статьяны тыва дылче очулдурган.
- Кызыл хоорайның хүндүлүг хамаатылары. - Каюмова А.Ш., Шангина Н.М. - МАУ “Кызыл” информация агентилели» редакторлаан. - 2014. - Ар. 10-11.
