Туберкулезка удур диспансерде “изиг шугум” телефону ажылдап турар

Республиканың туберкулезка удур диспансеринде “изиг шугум” телефону ажылдап турарын диспансер дыңнаткан.

Улуг улустуң диспансер салбырының бүрүткел черинде “изиг шугум” телефону ажылдап турар. Хамаатылардан кирген медээлерни, айтырыгларны дараазында дугаар-биле хүлээп турар: 8 (83922) 3-76-76 ажыл хүннеринде 8.00 шактан 16.00 шакка чедир (чапсары: 12.00-13.00). Дыштаныр хүннерде – суббота биле улуг-хүнде ажылдавас.

“Изиг шугум” телефонун харыылап турар ажылдакчы хамаатылардан кирген тайылбыр азы консультация хевирлиг айтырыгларынга харыыларны бээр.

Бир эвес айтырыгларга немей медээ херек апарза азы айтырыг чаңгыс аай эвес болза, специалист хамаатының киирген айтырыын тускай сеткүүлге хамаатының харылзажыр чогуур медээзин бүрүткеп демдеглээр.