Тываның тудуг сайыдының албан-хүлээлгезин күүседип турар Аяс Хунай-оолдуң дыңнадып турары-биле алырга, бо хүнде республикада беш уруглар сады туттунуп турар. Тудуг объектилериниң ниити белени 83,2 хуу.
Ыраккы Тере-Хөл кожууннуң Кунгуртугда уруглар садында иштики болгаш электрилиг эптелге ажылдары кидин түлүк. Каа-Хем кожууннуң чедери берге Эржей суурда уруглар садының тудуу дооступ турар. Чадаана хоорайда уруглар садының тудуу декабрь эгезинде доосту бээрин хүлээникчи организация дыңнаткан.
Ак-Довурак болгаш Чадаана хоорайларда, Каа-Хем, Эржей, Кунгуртуг сумуларында 60 олуттуг уруглар садтарын “Демография” национал төлевилел-биле тудуп турарын сагындыраалы.
