Республикада «Тывага бүдүрген» деп ылгавыр демдек-биле барааннар садып-сайгарылгазының дыштаныр хүн ярмаркалары ажылдап эгелээр.
Шагаа байырлалының бүдүү айында, февральдың 4 база 5 хүннеринде, Аныяктар ордузунга тус черниң бүдүрүкчүлерин деткээн дыштаныр хүннүң бирги ярмарказы 10.00 шактан 17.00 шакка чедир болур.
Найысылалдың уран шеверлериниң даарааны национал хептерни, дизайнерлерниң тускай аянныг каас чараш хептерин, национал бөрттерни, каасталгаларын, суй-белектерни, хол-биле кылган катаптаттынмас ажылдарны аңаа делгээр. Шупту барааннар «Тывага бүдүрген» деп ылгавыр демдектиг.
Ярмарка үезинде дизайнерлер ажылдарының шоу-көргүзүүн база ус дарган шеверлерниң ажылдарын таныштырып көргүзер.
ТР-ниң Экономиктиг хөгжүлде яамызы-биле кады Сайгарлыкчы чорук фондузу, «Россияның чөленгиижи» тыва регион салбыры, Аныяктар херектериниң талазы-биле агентилел тус черниң бараан бүдүрүкчүлерин шулуудадырының чаа хевири – «Тывага бүдүрген» деп ылгавыр демдектиг бараан садып-сайгарар дыштаныр хүн ярмарказын организастаар.
Ай санының сөөлгү субботазында ярмаркалар болур. «Тывага бүдүрген» деп дыштаныр хүн ярмарказында садып алыкчылар шеверлерниң боттарындан сонуургаан чүүлдерин садып алырынга, тус чер бараан бүдүрүкчүлерин деткииринге сорунзалыг чер болу бээрин, ук хемчегниң чарлалында бижээн.
Тувинский национальный музыкально-драматический театр имени В.Кок-оола примет участие в Международном фестивале в республике Башкортостан
В год 450-летия основания города Уфы с 16 по 23 мая 2024 года в столице Башкортостана пройдет VIII Международный фестиваль национальных театров «Туганлык» – театральный праздник с энергией созидания,…