Тускай шериг операциязының үезинде көргүскен эрес-маадырлыг чоруу дээш

Бөгүн Дээди Хуралга тускай шериг операцияга маадырлыы-биле чок болган шериг оолдарның шаңналдарын тывыскан.

Тускай шериг операциязының үезинде көргүскен эрес-маадырлыг чоруу дээш Эрес-дидим чорук орденнери-биле гвардейжи сержант Евгений Багин, сержант Андриян Хорлуу, биче сержантылар Алдын-Херел Монгуш, Сайын Монгуш, дайынчылар Айыжы Оюн, Артыш Ендан, Байлак Чамзырын чок болган соонда шаңнатканнар.

Шаңналдарны Дээди Хурал Даргазының оралакчызы Виктор Глухов, ТР-ниң Чазак Даргазының оралакчызы Виталий Бартына-Сады болгаш Тыва Республикада Кол федералдыг инспектор Александр Вавилихин тывысканнар.

Шаңналдарны тыпсыр бетинде олар чок болган шериг оолдарның төрээн болгаш чоок кижилеринге республиканың чонунуң мурнундан ханы кажыыдалын илереткен. Кажыыдал минутазын база чарлаан.

Шаңнал тыпсыр езулал соонда Дээди Хуралдың депутаттары «Ада-чурттуң камгалакчылары» Күрүне фондузунуң регионалдыг салбырының даргазы Мерген Кызыл-оол-биле чок болган дайынчыларның тɵрелдери-биле фондунуң талазындан деткимче хемчеглерни чугаалашкан.