Тускай шериг операциязының киржикчилерин шаңнаан

ТР-ниң Дээди Хуралының депутады Аян Ширижик Таңды кожуунга Ада-чурт камгалакчызының чылын ажыдар байырлыг хемчегге киришкеш, тускай шериг операциязының киржикчилерин шаңнап-мактаан.

– Таңды кожуунга Өг-бүле чылын хаап, Ада-чурт камгалакчызының чылын ажыдар байырлыг хемчегге киржип, Дээди Хуралдың өмүнээзинден чаңгыс чер чурттугларымга байыр чедирип, шаңналдар тыпсыр аас-кежиктиг болдум.

Улуг хүндүткел-биле Дээди Хуралдың Даргазының өөрүп четтириишкин бижиктерин бистиң маадырларывыс, тускай шериг операциязының киржикчилери Шеверле Викторович Кыргыска, Радик Маадыр-оолович Шагаачыга, Рустам Александрович Чоодуга, Чайынды Евгеньевич Монгушка, Роман Егеньевич Монгуш болгаш Аяс Семенович Чаптый-оолга тывыстым.

Дайынчыларывыска эрес-дидим чоруу дээш база катап четтирдивис! Силер бистиң чоргааралывыс болгаш езулуг патриотчу чоруктуң үлегери-дир силер!