Тускайлап, дериттинмээн черлерге эштири айыылдыг!

Россияның Онза байдалдар яамызының Тыва Республика талазы-биле Кол эргелелиниң дыңнадып турары-биле алырга, дүүн сугга 17 харлыг оол дүжүп, амы-тынындан чарылган. Элээди оол Улуг-Хемниң оң талакы эрииниң девискээринде тускайлап, дериттинмээн черге эштип турган.

Суг объектилеринге чоннуң айыыл чок чоруун хандырар талазы-биле ажылды чорудуп, улуг кичээнгейни салып турза-даа, айыыл-халап улуг-биче кижилерни амы-тынындан чарып аппаар таварылгалар көвүдеп турар.

Тускайлап, дериттинмээн черлерге эштири айыылдыг дээрзин база катап сагындырып каалы.