Республикада тыва чогаалчыларның аудиономнарын чыыр ажыл уламчылавышаан.
«Культура» национал төлевилелдиң “Чогаадыкчы кижилер” федералдыг төлевилелиниң “Ном саңының херээ” угланыышкынга Россияның культура фондузунуң коммерцияга хамаарышпас организациялар аразынга мөөрейге ойнап алган грантызы-биле Тываның ном саңының ассоциациязы биле республиканың К.И. Чуковский аттыг уруглар ном саңы сөөлгү каш чылда ол төлевилелди эгелээш, боттандырып турар.
Грантының хемчээли – 700 000 рубль болган деп, ТР-ниң культура яамызы дыңнаткан. Республика бюджединден 259 200 рубльди немей кады акшаландырар. Төлевилел хемчеглерин боттандырарынга ниитизи-биле 959 200 рубльди угландырар. Ук ажылдың организаторлары тыва дылга ам-даа 50 номну бо чылын бижидерин дыңнаткан. Тыва классиктиг болгаш уран чечен чогаал номнары ынаар кирер.
2021 чылда «Tuva_read» төлевилелдиң авторлары тыва чогаалчыларның чогаалдарынга үндезилээн электроннуг ном саңы тургузар грантыны бир-ле дугаар ойнап алганын сагындыраал.
Россия Федерациязының Президентизиниң грантыларын тыпсыр мөөрейге ол эгелээшкин деткимчени алган. Ынчан регионнуң киирген акшаландырыышкыны-биле кады шупту 2,2 сая ажыг рубль болган.
Бөгүнде ном саңының коллекциязында 100 аудиономнар база чурагайжыткан 1000 ажыг ном бар.
Тыва авторларның чогаалдарын күзелдиг кижилер хостуг болгаш халас дыңнап болур: Республиканың К.И. Чуковский аттыг уруглар ном саңының www.chukovka17.ru албан езунуң сайтызында «Tuva_read» тускай кезекте номнарын салган.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.