Тываның А. С. Пушкин аттыг национал ном саңынга чурт-шинчилел чогаалы болгаш национал библиография килдизиниң ажылдакчызы Чечек Монгуш Кызылдың 2 дугаар ортумак школазының 10 «а» биле 10 «б» класстарының өөреникчилеринге «Тыва чоннуң чаагай чаңчылдары бо үеде» деп темага чугааны чорутканын ном саңы дыңнаткан.
Школачылар сес айтырыгдан (улуг кижиниң чугаазын дыңнаар, үзе кирбес; отче хирлиг чүүл октавас...) тургустунган анкетага база харыылаан.
Салым-чаяанныг этнограф, сураглыг чогаалчы М. Кенин-Лопсанның «Тыва чоннуң бурунгу ужурлары» деп номунда «Чаңчыл дээрге кижи боду-дур. Чер кырынга кандыг-бир чон кажан тывылганыл, ол үеден эгелеп, ол чоннуң өске чоннардан ылгалыр онзагай чаңчылы турар. Чаңчыл болза, чүс-чүс чылдарны ажып эрткен болгаш кандыг-бир чоннуң бодунуң өзүп олурар салгалынга арттырып каан ыдыктыг чагыы болур» – деп бижээн.
Өөреникчилер хемчегге улуг сонуургал-биле киржип, айтырыгларга идепкейлиг харыылааннар.
В России расширят господдержку производителей мультфильмов
Получить господдержку на производство и прокат анимационных фильмов в размере 100% от сметной стоимости можно будет в России.