Росхереглелхайгааралдың Тыва Республика талазы-биле эргелелиниң болгаш Кадык камгалал яамызының сан-медээзи-биле алырга, апрель 22-28 хүннеринде Covid-19 хамчыындан 11 таварылга бүрүткеттинген.
Эрткен неделяда Кызыл хоорайда 6, Кызыл кожуунда – 3, Ак-Довурак хоорайда 2 Covid-19 хамчыындан таварылгалар илереттинген. Чээрби кижи эмнедип турар, оларның алдызы чыдар эмнелгелерде.
Мөчээн таварылгаларның чылдагаанын тодарадыр комиссияның медээзи-биле алырга, 2022 чылдың январь 1-ден бо хүнге чедир 48 кижи Covid-19-тан хораан.
Тарылганың долу курузун 106 748 кижи алган, а аарыгга удур коллективтиг иммунитет 46 хуу болуп турары – эвээш көргүзүг.
Боттуң болгаш чоок кижилериниң кадыкшыл байдалынче онза кичээнгейни салып, Covid-19-ка удур тарылганы салдырып алырынче чонну ТР-ниң Кадык камгалал яамызы биле Росхереглелхайгаарал кыйгырып тур.
