Тыва Республика үер соонда оруктар септелгезинче акша-хөреңгини алыр сес регионнуң санынче кирген. Федералдыг Чазак ол сорулгага ийи миллиард рубльди тускайлаан. Ооң дугайында Россияның Чазааның албан езунуң интернетте курларлавыры дыңнаткан.
– Сес регион үер соонда оруктарын катап септеп-селииринге акша-хөреңгини алыр. 2023 чылда чазак ийи млрд рубльди үерден когараан регионнарже чорудар. Бо акша-хөреңги регионнарның, муниципалдар аразының болгаш тус черниң автооруктарын септээринге көрдүнген – деп дыңнаткан.
РФ-тиң Чазааның даргазы Михаил Мишустин ат салганы айтыышкыны езугаар Крым, Тыва республикалар, Забайкалье, Хабаровск крайлар, Амур, Иркутск, Омск областар, Еврей автономнуг округ акшаландырыышкынны алыр. Эрткен чылын РФ-тиң Чазаа сугга алыскан автооруктарны септээринче ийи миллиард рубльди тускайлаанын демдеглээн.
Тыва 2022 чылда ол сорулгага аңгылаан федералдыг акша-хөреңги-биле суг үеринден үрелген, онза айыылдыг эң берге байдалда көвүрүглерни Өвүрде Чоза, Барыын-Хемчикте Аян хемнерни кежир, ол ышкаш Мөңгүн-Тайгада көвүрүглер септээринче угландырган. Ол объектилерде эрткен чылын эгелээн ажылдар бо чылын доостур.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.